Rojnamegeran Serêkanîyê ra da zanayene ke rîyê bombardûmananê hewayî û erdî ra vizêr şan xeylî sivîlan wefat kerd û rîyê têgêrayîşê teyarayanê şerî ra ê nêeşkenê xo biresnê wareyanê ke sivîlî tede ameyî kiştene.
Hêrişê îşxalkarîye yê artêşa Tirkî yê verba Vakur û Rojakewtena Sûrîye çar rojan ra nata dewam kenê. Heta nika 14 sivîlî şehîd bîyî û bi seyan sivîlî zî birîndar bîyî.
Hêrişî bi giranî cayê sivîlan de yenê kerdene û her roje sivîlî wefat kenê. Rojnamegaranê ke Serêkanîyê de yê da pêhesanyene ke rîyê hêrişanê giranan ra, ê nêeşkenê xeberan taqîb bikê û rîyê bombardûmananê artêşa Tirkî ya îşxalkare ra zafê sivîlan wefat kerd. Rojnamgeran veng da ke hêzê mîyanneteweyî şer bidê wedarnayene û vat: "Şerê Serêkanîyê bi 3-4 qatî roja destpêke ra giranêr o. Tayê cayanê ke bombardûman vera înan ameyî kerdene zafê sivîlan wefat kerd. Labelê rîyê têgêrayîşê teyarayanê şerî ra ma nêeşkenê xo biresnê nê cayanê ke sivîlan wefat kerd. Bi nameyê Rojnamegeranê Serêkanîyê de yê ma veng danê rayaumûmîyanê mîyanneteweyî ke nê şer bide wedarnayene û nêverdê ke sivîlî bêrê kiştene."
