Roniştoxanê Efrînî keyeyanê şehîdan pê wesîleya Roşanê Remezanî vizêr şewe goristanê şehîdanê Xoverdayîşê Serdemî û Qirkerdişê Til Rifatî zîyaret kerdî û findeyî vistî ta.

Roja yewine ya roşanî pê zîyaretê goranê şehîdan dest pêkerd. Efrînijan serê sibayî Goristanê Şehîdanê Xovedayîşê Serdemî zîyaret kerd. Nameyê Meclîsê Keyeyanê Şehîdan ser o eşkerayîyêke ameye dayen û Roşanê Remezanî yê Rayberê Şarê Kurdî Abdullah Ocalanî û ê şehîdanê têkoşînê azadîye ame fîrazkerdene. Eşkerayîye de ame vatene ke şehîdî rûmetê şarî yê û hêrişê dewleta tirke yê vera goristanan ameyî şermezarkerdene. Roniştoxan dima goristan de şeker û şîranîyî vila kerdî.