Şarê Amedî nîqaşanê 'çareserîye' nêzdî ra teqîb keno. Amedijan ajansê ma rê qisey kerd û seba haştîyêka mende Rayber Apo îşaret kerd.

Salîh Torhan: Wextê prosesê dîyalogan de dewlete bi Mutabeqatê Dolmabahçe proses rijna. 2014 ra nata 'Planê Çokdayîşî' dewre de yo û hema zî şer qewimîyeno. Tirkîya de krîzo ekonomîk est o û Rojhelatê Mîyanênî de şer est o. Îqtîdar neçare mendo ke waştişê haştîye bikero. La çew hinî nêeşkeno kurdan bixapîno. Ma haştîya demokratîke wazenê. Adresê çareserîye zî Rayber Apo yo. Ma sey Rayber Apoyî teyna haştîye wazenê.

Celîl Cebelî: Qiseyê Bahçelîyî bawerîyêke nêdanê ma. Eke ê kurdan nêxapînê çira lîderê kurdan Birêz Ocalan tecrîdkerde yo? Eke ê qiseyanê xo de samîmî yê wa Birêz Ocalan serbest vera bidê. Dewleta tirke xîret kena ke kurdan bixapîna. Ma qiseyanê Erdogan û Bahçelîyî ra bawer nêkenê. Eke ê samîmî yê wa gamanê xurtan bierzê.

Turkane Eren: Ma hinî çareserîye wazenê. Tewr zaf zî cinîyî waştişê haştîye kenê. Ma şer nêwazenê, teyna aramîye wazenê. Ma nêwazenê ke ciwanê ma bimirê. Ma nêwazenê ke wa çew bimiro.

Îlhamî Mûtlû: Ma AKP-MHPyî ra bawer nêkenê. Ma zanenê ke ê wazenê kurdan bixapînê. Ma haştîye wazenê. Haştîye ra zafêr çîyo rind est o gelo? Ganî mesajê Serek Apoyî bêro caardene. Eke ê samîmî yê wa tecrîdî wedarnê û tepişteyê nêweşî vera bidê.