Merkezê Îrtîbatî û Çapemenîye yê HPGyî nasnameyê gerîlayêkê şehîd bîyo eşkera kerd û nê vatî:

''Ewlado erjîyaye yê şarê ma yê Mêrdînî, mîlîtano fedayî yo Apoyî û endamê Fermandarîya Eyaletê Mêrdînî Memed Cûdî 25ê teşrîna verêne de tewrê kerwanê şehîd bi. Hema tam her hetî ra safî nêbîyo ke hemrayê Memed senî şehîd bîyo û derheqê şehadetê ci de cigêrayîş dewam keno.

Ma keyeyê erjîyayeyî yê fermadanrê fedayî hemrayê û Memedî û şarê welatperwerî yê Mêrdîn û şarê Kurdîstanî rê sereweşîye wazenê.

Nasnameyê hemrayê ma Memed Cûdîyî wina yo:

Hemrayê Mehmed Cûdî Dêrîkê Mêrdînî de keyeyêkê welatperwerî de yeno dinya. Hemrayê ma Cemil-Kerim Baytaro ke keyeyê ci ra tewrê partîya PKKyî beno 1986 de dewa Sipîvyanî ya Gabarî de şehîd beno. Hemrayê ma Memed bi vîrardişê hemrayê ma Şehîd Cemilî beno pîl û hema domanîya xo gerîlayan rê sempatî hîs keno. O pîya bi komayêka embazanê xo verî Mêrdîn de tewrê falîyetanê ciwanan beno.

2005 de Unîversîteya Yilzid Teknikî de dest pê beşa mîmarîye keno û tîya Têgêrayîşê Azadîye yê Kurdîstanî dahîna zaf nas keno. Pîya bi hemrayê ma Şehîd Kurtay-Memed Kiranî bi hewayêkê profesyonelî xebetan rayra beno û 2009 de wird embazî pîya verê xo danê koyanê Kurdîstanî û tewrê PKKyî benê. Hemrayê Memed waxtêk Komalên Ciwan de xebetan rayra beno û bado ke tîya perwerde vîneno reyna agêreno Vakurê Kurdîstanî û Tirkîya û xebatanê ciwanan domneno.

2011 de esîr kewno destê dişmenî la zîndan de zî hîrê serrî  têkoşînê xo bêmabên domneno. O 2014 de bado ke zîndanî ra vejîyeno verê xo dano koyanê Kurdîstanî û Koyê Cûdî de tewrê gerîlayan beno. Hemrayê ma Memed 2017 de çalakîyêke de wird linganê xo ra zî bi giranî birîndar beno û dima ra verê xo dano Herêmanê Pawitişî yê Medya û dest pê prosesê tedawî keno. Prosesê tedawî ra dahîna xurtêr vejîyeno û tewrê xebatanê YPSyî beno.

Hemrayê ma Memed wazeno ke tewrê Hêzanê Taybetî bibo û çalakîya fedayîye bikero la no waştişê ci nîno caardene. Hemrayê ma fedayîyo şorişgêr sey fermandarê Apoyîyî reyna verê dano Vakurê Kurdîstanî û sey endamê Fermandarîya Eyaletî ravêreno Mêrdînî. Hemrayê ma Memed 25ê teşrîna verêne ya 2024î de hêrişê dişmenî de şehîd beno. Hemrayê Memedî têkoşînê xo yê 16 serran o ke bêmabên rayra berd tîtik de temam kerd û tarîxê azadîye yê şarê ma de cayê xo girewt. Ma sey hemrayanê ci do beyraqa têkoşînî ke hemrayê ma Memedî dewrê ma kerd ma do tim têşanê û waştişê şehîdanê xo bîyarê ca.''