Girkê Legî û dewanê aye de bi seyan kesî meydanê Şehîd Xebat Dêrikî de dest pê rayraşîyayîşî kerd û hêrişê îşxalkar ê dewleta Tirkî yê verba Vakur û Rojakewtena Sûrîye şermezar kerdî.

Rayraşîyayîş de fotografê şehîdan û êyê merdimanê bi çekanê kîmyewî yê dewleta Tirkî birîndar bîyî, ameyî kiriştene û verba hêrişanê îşxalkarîye sloganî ameyî vatene. Rayraşîyayîş de xoverdayîşê şervananê QSD'yî ame silamdayene û yewîya roniştoxanê herême ame mojnayene. Rayraşîyayîş heta merkezê şaristanî dewam kerd. Hemsereka MSD'yî Emîne Omere meydanê çalakîye de qisey kerd û xoverdayîşê verba îşxalkarîye rê silam kerd. Omere fedaîtîya nê xoverdayîşî viste vîrî û pare kerd ke dewleta Tirkî Kurdan rê û estbîyayîşê roniştoxanê herême rê hêriş kena, armancê ci vurnayîşê demografîyê herême yo.Emîne Omere ard ziwan ke bi xebitnayîşê çekanê kîmyewî wazenê qirkerdiş bikê û veng da roniştoxanê herême ke verba hêrişanê îşxalkarîye yewîya xo saz bikê.