Şarê Kantonê Qamişloyî vera gefanê hêrişî yê dewleta tirke vejîya meydanan û ard ziwan ke ê do xeyalanê Osmanijan pûç bikerê.

Tirbêsipîyê

Tirbêsipîyê de bi desan kesan pê çalakîya rayraşîyayîşî hêriş û gefê dewleta tirke şermezar kerdî. Çalakîye de pankarta 'Ma wayîrê nê erdî yê', 'Erdogan wa bêro hukmkerdene' ameye akerdene. Endama Kongreya Starî ya Tirbespiyê Hediya Şemo çalakîye de qisey kerd û pare kerd ke dewleta tirke wazeno pêro Kurdîstan îşxal bikera.

Til Hemis

Qezaya Til Hemisî de zî hemwelatîyan pê çalakîya rayraşîyayîşî hêriş û gefê dewleta tirke şermezar kerdî. Çalakîye de fotografê Seida El-Hermas û Hinde El-Xidêr ameyî akerdene û sloganî ameyî vatene. Îdarekaranê PYDyî ra Xalid Sadûnî çalakîye de qisey kerd û vat: ''Dewleta tirke xîret kena ke kolonyalîzmê Osmanijan hîra bikera.''

Amûdê

Amûdê de şarî pê alayanê QSD, Kongreya Starî û fotografanê şehîdan çalakîya rayraşîyayîşî kerd. Hemserekê Meclîsê Amûdê Mihemed Çolîyî çalakîye de qisey kerd û îfade kerd ke dewleta tirke qirkerdişanê xo dewam keno û paştdayîşê şarî yê seba QSDyî ard ziwan. Çalakîye pê sloganan qedîyaye.