Gefê janî vîrusê Korona ra dima Rojawanê Kurdîstanî de pêro dibistanan mabênê perwerdeyî da. Wendekaran eleqeyêko pîl mojna perwerdeyo ke Rojava TV ser o yeno dayene. Keye û wendekarî zî seba ke sîstemê perwerdeyî yo newe ser bikewo seferber bîyî. Keyeyî paştî danê domananê xo û wayîrê nê sîstemê perwerdeyî vejîyenê.

Hesîne Silêmana tirbesipîyêyîje wendekara sinifa 4. ya dibistana verêne ya. Hesîne hem Rojava TV de hem zî youtube de dersan teqîb kena. Dadîya Hesîne Henaa Xelîl seba ke domanê ci televîzyon de tewre dersan bibê çi destê ci ra yeno kena. Henaa hetkarîya dersanê domananê xo kena û îfade kena a pê nê sîstemî zaf qayîl a.

Hesîne ana ziwan ke qefilnayîşê dibistane seba perwerdeyî asteng nîyo û wina dewam kena: ''Ma hem keye de xo vîrusî ra pawenê hem zî dersanê xo ra tepîya nêmanenê.''