Kobanê ra Sebrî Mehmûd, ê kesan ra yew o ke Rayber Apo dî û têkoşînê azadîyî nêzdî ra şinasna. Sebrî Mehmûdî ANFyî rê qisey kerd û bale ante muhîmîya azadîya Rayberê Şarê Kurdî Abdullah Ocalanî ser o.

‘Rayber, her tim şar perwerde kerdêne’

‘‘Kampa Mahsûm Korkmazî ra dima serra 1992î de Şam de kampa yewine ame awankerdene, Rayber Apoyî Şehba, Sehna û Bêtna de dersa îdeolojîyî dayêne. Rayberî vatêne, tena 200 embazê ma est bibê û ma înan birêxistin û perwerde bikerê, ma do bieşkîyê Kurdistanî azad bikerê. Rayber Apoyî her tim perwerde kerdêne; Cinî, doman, kal û pîr ker kes perwerde kerdêne.

 ‘Rayber Apo seba hema şaranê bindestan sere wedarna’

Rayberê Şarê Kurdî Abdullah Ocalanî qet cîyayîyêk nêdekerdêne mabênê kurd, tirk yan zî erebî. Rayber Apo seba hema şaranê bindestan sere wedarna. Rayber Apo vernîya her çî de vano însanetî. La hedefê dewleta tirke û yê dewletanê serdestanê bînan, tim qirkerdişê şarê kurdî bî.’’

‘Gere ciwanê ma bi şew û roje seba azadîya Rayber Apoyî wareyan ra bibê’

Sebrî Mehmûd bale ante perwerdekerdişê domananê kurdan ser o ke wa fikrê Rayber Apoyî ser o perwerde bibê û vat, ‘‘Vernîya her çîyî de gere ciwanê ma seba azadîya Rayber Apoyî bi şew û roje wareyan ra bibê, Rayberê ma seba azadîya ma bi şew û roje têkoşîn kerdêne. Coka gere şarê ma zî, ciwan, cinî û pêroyê şarê ma seba azadîya fîzîkîye yê Rayber Apoyî têkoşîn bikerê, wareyan de bibê.’’