Dewleta Tirkî ya îşxalkare bêmabên Serêkanîyê bombardûman kena û seba ke çekanê kîmyewîyan xebitnena, cuya bi hezaran sivîlan tehluke de ya.

Heyva Sor a Kurdî zî rîyê astengîya leşkeranê Tirkî ra nêeşkena  rewşa herême rê dest bierze. Heyva Sor pare kerd ke bi hezaran sivîlê herême binê rewşêka bihehluke de yê û veng da komelanê mîyanneteweyî ke seba birîndaran korîdorêko lezabez bêro sazkerdene.

Endamê Heyetê Rayberdişî yê TEV-Dem'î Aldar Xelîlî û Komîteya Weşîye ya Cizîrî ya Rojawanê Kurdistanî seba birîndaran vendayîşê lezabezî kerd. Xelîlî îfade kerd ke hêrişê dewleta Tirkî ya îşxalkare û çeteyanê ci cuya bi hezaran sivîlanê Serêkanîyê fiinaye tehlûke û veng da hêzanê kesanê eleqedaran ke bi lezabezî dest bierzê rewşe.