Pandemîya vîrusê Korona ra semed Rojawan de pêro dibistanan mabên da û perwerdeyê onlineyî dest pêkerd. Wendekarî zaf eleqe mojnenê perwerdeyê onlineyî. Wendekatan û keyeyan kêfweşîya xo ya seba perwerdeyê onlineyî arde ziwan.

Ronake Ferhan wendekara sinifa 6. a. Ronake îfade kena ke perwerdeyê înan zaf bifayde yo û ge ge semedo ke ceyran birîyeno zehmetîye ancena. Wendekara sinifa 4. Riweyda Ferhan zî vat: ''Eke ez dersan ra tepîya bimana wayanê xo ra yan zî babîyê xo ra persena.''

Dadîya Ronake û Riweyda Heyfa Semo zî pê dersê onlineyî kêfweş a. Heyfa vat: ''Domanê ma bi nê hawayî ziwanê xo yê dayîke musenê.''

Bilind Şikirî koçberêkê Serêkanîye yo. Şikirîyî vat: ''Îşxalê dewleta tirke yê vera Rojawanî ra verî mi Serêkanîyê de perwerde dîyêne. Nika zî semedê vîrusê Korona ra dibistanan mabên da la no ma rê zehmet nêbi. Ma bi hawayêkê onlineyî dersanê xo dewam kenê.''

Komîteya Perwerdeyî gerreyanê seba birîyayîşê ceyranî ra dima eşkera kerdbi ke dersî do mabênê saetanê 20:00-00:00 de bêrê kerdene.