Hêrişanê dewleta tirke û cerganê aye de bi hezaran merdimî neçare mendî ke koç bikê. Îdareyê Xoserî seba ke şarê herême Til Semen de kampêke saz kerde. Multecîyî na kampe de manenê.

Fedê Şerîf Îdarekarêka Kampa Girê Sipî ya û vat ke dezgehêkî hetkarîya înan nêkerde, pêro hewcedarîye hetê Îdareyê Xoserî ra ameyî peydakerdene. Şerîfe vat: "Ma seba ke hewcedarîyanê şarê xo peyda bikê na kampe saz kerde. Heta nê wextî 100 çadirî ameyî dayene. Ma eşkenê nê cayî de 1000 çadirî ronê. Eke şar^ema biwazo û hewce bibo ma eşkenê çadiran bikê zêde. Heta nika Îdareyê Xoserî pêro hewcedarîyî peyda kerdî. Dezgehêkî zî hetkarîya ma nêkerde.

Zimistan ame, şertî giran ê. Ganî ma pêro hewcedarîyan safî bika. Xora ma zanenê ke hetê ma de şer esto, zehmetîyî estê. Firsendê Îdareyê Xoserî zî tay ê. Nika kampe de 100 keyeyî estê û 200 kesan zî muracat kerd. Na hûmara her roje zêde bena. Ma dezgehanê hetkarîye ra wazenê ke hetkarîya am bikê."