Înîsîyatîfê Şarî yê Rojawanî bi koordîneyê Înîsîyatîfê Abdullah Ocalanî rê Azadîye, 22ê çeleyî de bi şîarê ‘‘Şarê Rojawanî,seba qedînayîşê tecrîdî û caardişê azadîya fîzîkîye ya Rayber Apoyî veng dano’’ kampanyaya îmzayan dabî destpêkerdene.

Derheqê netîceya kampanya de Stadyumê Heysem Kiçe yê Qamişloyî de eşkerayîye ameye dayene. Eşkerayîye de dîya zanayene ke pîya bi şaranê Rojawanî, şarê Şam, Lubnan û Başûrê Kurdîstanî zî  tewrê kampanya bîyo û ame vatene ke çarçeweya kampanya de pêro pîya 2 mîlyon û 626 hezar îmzayî ameyî arêdayene.

Înîsîyatîfî veng da rêxistinanê heqanê merdiman û CPTyî ke vera tecrîdê Îmraliyî bêveng memanê.

Îmzayî seba ke teslîmê CPTyî bibê, teslîmê Înîsîyatîfê Abdullah Ocalanî rê Azadîye bîyî.