Înîsîyatîfê Şarî yê Rojawanî Qamişlo de verê TEV-DEMî de bi eşkerayîya çapemenîye semedê azadîya Rayberê Şarê Kurdî Abdullah Ocalanî kampanyaya îmzayan daye destpêkerdene.

Eşkerayîye de nê ameyî parekerdene: ''Ma sey şarê Rojawanî semedê rewşa Rayberê Şarê Kurdî Abdullah Ocalanî qerqilîyenê. 27ê Temmuze ya 2011î ra heta nika heme muracatê avûkatan bi behaneyanê cîya cîyayan ameyî redkerdene. 25ê adara 2021î de Rayber Ocalanî reyde pêvînayîşê telefonî ame kerdene û a roje ra nata tira xebere nîna girewtene. Coka ma semedê rewşa ey qesawet kenê. CPT derheqê zîyaretê xo yê 5ê tebaxa 2021î rapor  weşana bi û  vatbi Rayber Ocalan û hîrê tepişteyê bînî Îmrali de binê tecrîd de yê ke ganî na rewşe bêro bedilnayene. La badê zîyaretê xo yê peyênî de derheqê Rayber Ocalanî de zanayîşo zelal nêda. Coka qesawetê ma yê semedê weşî û rewşa ci ya fîzîkîye zêdîya. Dewleta tirke vera Rayber Ocalanî îşkenceyê fîzîkî û manevî kena. Goreyê pêkerdişanê heqanê merdiman, qanûnê mîyanneteweyî yenê binpaykerdene. Ganî tecrîdê serê Birêz Ocalanî cade bêro wedaritene, pêvînayîşê avûkatan bêro kerdene û helêke cuwa ver bêro veradayene.''

Kampanyaya îmzayan do heta 15ê sibete ke Rayberê Şarê Kurdî Abdullah Ocalan ame esîr girewtene, do dewam bikero.