Fermandarê Pêroyî yê QSDyî Mazlûm Ebdîyî hesabê xo yê Xî de derheqê tibeya Suleyman Şahî de eşkerayîyêke kerde.

Ebdîyî vat: ''Serra 2015î de wextê tehdîdê DAÎŞî de ma zî hetkarîye kerd ke tirbeya Suleyman Şahî bêra kiriştene Eşme. Ewro zî ma pawitişê na herême rê dewam kenê. Ma amade yê ke derheqê tirbeya Suleyman Şahî de  goreyê peymananê mîyanneteweyîyan têbigêrê û terefan de hemkarî bikerê. Ma wina fikirîyenê ke no preses goreyê peymananê mîyanneteweyîyan û hûrmetê bi mîrasê kulturelî bêro rayîrberdene.''