Erdlerzo ke vizêrî bajarê Mereş ê Vakurê Kurdistanî de virazîya, tesîrêko giran da Sûrîye û Lubnanî.

Wezaretê Weşîye yê Hukmatê Şamî ewro da zanayene ke heta nika bajaranê Heleb, Hema, Lazîqîye, Tartûs û dewanê Idlîbî de 769 kesan dinyaya xo bedilnaye, hezar û 448 kesî birîndar bîyî.

Koma weşîye ya Vakur û Rojhelatê Sûrîye zî da zanayene ke seba erdlerzî Vakur û Rojhelatê Sûrîye de 6 kesan dinyaya xo bedilnaye û 57 kesî zî birîndar bîyî.