Dezgehê Çimdarîya Heqanê Merdiman a Sûrîye (SOHR) roja pancşemeyî eşkerayîyêke daye û dîyar kerd ke Sûrîye de şerêko giran qewimîyeno.

Goreyê agahîyan şer bajarekê Ceble û dewanê nêzdîyê qeraxanê Dengizê Sipî yê elewîyan de giran o.

SOHRî derheqê babete de Xî ser de eşkerayîyêke daye û vat: ‘’Şerê mabênê endamanê Wezîrîya Karanê Zereyî û pawitiş û milîtananê artêşa rejîme de 70 kesî merdî, bi desan kesî birîndar bîyî û tepişîyayî.’’

Herêma Lazkîye ya ke sey kelaya elewîyan dîyena çend rojî yo şer qewimîyeno.

Goreyê ajansê xeberan a îqtîdarê Şamî Sana Serekê Îstîxbaratî yê verênî general Îbrahîm Huveyce tepişîyayo. Goreyê îdîayan Huveyce kiştişê bi seyan kesan ra mesuldar o.