Tabûra Şehîd Nûbar Obaryana ke serrgêra 104'ine ya Qirkerdişê Armenîyan de ameyebî sazkerdene virzêr Til Temîr ra şîye Serêkanîyê û şaristan pawena. 

Tabûre eşkerayîyek daye û  va: "Ma na îşxalkarîya dewleta Tirkî qebul nêkenê. Dewleta Tirkî  verba merdimîye sucê pîlî kerdî. Serra 1915 de mîlyonêk Armenî qetil kerdî û ewro zî bi barbarîye hêrişê Sûrîye kenê. Verba na îşxalkarîya aye de şarê Kurdî, Erebî, Asurîyî, Armenîyî do wayîrê erdê xo bivejîyê."

Tabur roja  ke saz bîya ra nata girîngîya pîle dana qîyam û musnayîşê kultur û ziwanê Armenîyan û vat ke: "Roje roja piwitişî ya. Êyê ke azadîya xo nêpawenê do nêeşkê kultur û ziwanê xo zî bipawê."