Bajarê Dêrikî yê Kantonê Cizîrê de Tekîn Goyî (İsmet Unver) yo ke hêrişê dewleta tirke de şehîd bi, hetê bi hezaran kesan ra ame definkerdene.

Cenazaya Goyî Nêweşxaneyê Şehîd Hogirî yê Dêrikî ra ameye girewene û Şehîdgehê Şehîd Xebat Dêrikî de bi merasîmêk ameye definkerdene.

Hemserekê Meclîsê Keyeyanê Şehîdan ê Kantonê Cizîrê Mahsûm Hesenî ke merasîmî de qisey kerd veng da ke wa vera hêrişê îşxalî yê dewleta tirke wa têkoşîn bêro xurtkerdene û vat ê do têkoşînê şehîd Tekîn Goyî bidê domnayene.

Endama Rayberdişî ya Têgêrayîşê Komelê Demokratîkî (TEV-DEM) Rûkene Ehmed vist vîrî ke Tekîn Goyîyî senî şar û welatê xo ra heskerdene û pabesteyê felsefeya Rayberê Şarê Kurdî Abdullah Ocalanû û şehîdan bi û vat: ''Fermandar Şehîd Tekîn Goyî waştêne ke wa komel pêro pîya mîyanê asayîşî de azad biciwîyo.''

Hemserekê Heyetê Weşîye Dr. Memo Xelilî zî ard ziwan ke ê do heta serkewtişî Şehîd Tekîn Goyîyî teqîp bikerê.

Badê qiseykerdişan belgehê şehadetî yê Şehîd Tekîn Goyîyî ame wendene û dîya keyeyê ci.

Şehîd Tekîn Goyî bi slotananê “Bi can bi xwîn em bi te re ne ey şehîd” û “Şehîd namirin” ame definkerdene.