Endamê Komîteya Merkezîye ya Partîya Kurdan a Demokratîke ya Sûrîye Gêlo Îsayî derheqê hêrişanê dewleta tirke ya îşxalkere de ANFyî rê qisey kerd.

Gêlo Îsayî hêrişanê DAÎŞî yê Hesekê de armanc şiknayîşê îradeyê şarî, çinkerdişê destkewteyanê şarî bi.  Îsayî da zanayene ke dewleta tirke pêro kurdan rê dişmenîye kena.

Îsayî vat: ''DAÎŞî Hesekê de fermandê dewleta tirke ardî ca. 7 rojan DAÎŞ şer kerd. No gure têna gureyê cergan nîyo. DAÎŞ tehlukeyêko cidî yo û hetê hişmendîye ra nêqedîyayo. Rejîmê Şamî û dewleta tirke hewceyê DAÎŞî yê. DAÎŞ verî wazeno Îdareyê Xoserî qels bikero. Ne dewleta tirke ne zî rejîmê Şamî pê Îdareyê Xoserî qayîl ê. Rûsya zî seba menfaatanê xo vera nê hêrişanê Tirkîya bêveng manena. Ganî Koalîsyono Mîyanneteweyî mesuldarîyanê xo bîyaro ca. Ganî pêro dinya paştî bida Îdareyê Xoserî û meseleya DAÎŞî çareser bikera.

Hêrişo peyên zî planê dewleta tirke bi. Ganî Koalîsyono Mîyanneteweyî dewleta tirke serê sînorî de vindarno, vera hêrişanê serê Rojawanî tewirê xo bimojno. Şerê vera DAÎŞî qîm nêkeno. Ganî DAÎŞ kokê xo ra bêro qedînayene. Dewleta tirke ya ke  DAÎŞî weye kena, ganî bêra vindertene.''