Herêma Dêra Zorê de wextanê peyênan vera serekanê eşîran hêrişê sûîqastî yenê kerdene.26ê teşrîna verêne de 2 kesan serê motorsîkletî de xîret kerd ke hêrişê rîsipîyanê eşîra Şîetatî ra Nasir Teramîyî bikerê. Teramî dima ke kombîyayîşê koalîsyonê mîyanneteweyî ra vejîya bi hedefê hêrişî û tira xelisîya.

Teramîyî pare kerd ke o pê wesayîtê xo rayîr de bi vera înan hêriş ame kerdene. Dima wesayît kontrolê ramitoxî ra vejîya û gina dîrekê ceyranî. Teramîyî ard ziwan ke o çax zî hêrişkerî nêzdîyê wesayîtî bîyî û înan guleyî reşnayî hêrişkeran ser. Teramîyî da zanayene ke hêrişkerî remayî û merdimê ke vengê çekan eşnawitî, ameyî hetkarîya înan.

Teramîyî eşkera kerd ke nê hêrişkerî xîret kenê ke herême ra fîtneyan vila bikerê û hayîya înan pê nê komplogeran esta.

Teramîyî vat: ''Komplogerî do nêeşkê armancê xo bîyarê ca. Ma do verê fîtneyan bigêrê.''