Komîteya Kultur û Hunerî ya TEV-ÇAND'î vat ke "Şexsê Mazdek Araratî de ma pêro şehîdê ser rayîrê têkoşînê azadîya Kurdistanî de yê yad kenî."

Îzahatî de ame îfadekerdene ke "Mazdek Ararat 13'ê Êlula 2019'an de wexto ke ser wezîfeyê xo de bi rîyê qezayêkî ra birîndar bibi û dima şehîd bi."

TEV-ÇAND’î îzahatê xo de behsa nê çîyan kerde:

"Hemra Mazdek bi kedkarîye,mutewazîtîye û rîpakîya xo embazêko têkoşer bi. Hemra Mazdek tena sînemager nêbi. O Kobanê de mêrxas bi, akademîya hunerî de perwerdekar, setanê fîlme de kaykerdox, zerrîya şarê Rojawanî de kedkarêk û koyanê Kurdistanî de gerîllayêk bi. Hemra Mazdeko ke ser rayîrê Halîl Dagî de şîyêne destpêkê şorişê Rojawanî ra zafê xebatan de ca girewtibi û resnayîşê zafê sînemageranê gêncan de keda ey esto. O yew sazkerdoxê komuna sînemaye bi û endamêkê Sîne Çiya zî bi. Mîrasê şehîdan sey Yekta, Hêvî, Zerdeşt û Delîla rayîrê ma roşnî kerdo. Bi beşdarbîyayîşê Mazdekî îddîaya ma ya şorişê kultur û hunerî xurtêr bîya. Ma zî eşkere kenî ke viraştişê xeyalanê şehîdan wezîfeyê ma yo û ma vatişê xo reyna kenî ke ma do rayîrê înan de şorê. Ser nê esasî ma reyêko bîn hemra Mazdek Arartî bi hurmet yad kenî û serweşîye keyeyê ey û şarê Kurdistanî ra wazenê."