Têgêrayîşê Komelê Demokratîkî (TEV-DEM) bi wesîleya serrgêra Şorişê 19ê Temmue eşkerayîyêke daye.

Eşkerayîye de ame vatene ke Şorişê 19ê Temmuza 2012î reyde xeylêk destkewteyî ameyî destvistene û hêvîyê şaranê herême zêdîyayî.

TEV-DEMî vat: ''Şorişê 19ê Temmuze seba herême û dinya bi tecrubeyêko girîng, tede cinî û ciwanan rolê xo yê serkêşîye kerd û seba pawitişê destkewteyanê şorişî xeylêk fedakarîyî kerdî.

Ewro hema zî dewleta tirke ya îşxalkere bi hawayêkê barbarî hêrişê herême kena, wazena şorişî çin bikera û seba ke qesasê xo şorişgêran ra bigêra Rayber Apoyî tecrîd kena. Ancî hukmatê Erdoganî vera Başûrê Kurdîstanî zî şerê îşxalî îlan kerdo û xîret keno ke bi pêkerdişê rejîmê Sûrîye îradeyê şarê herême û Şorişê 19ê Temmuze birijno.

Ma venga pêro şaranê herême danê ke bi girseyan tewrê şayîyanê 19ê Temmuze bibê, bi mesuldarî vera sîyasetê qirkerdişî yê serê Rayber Apoyî vinderê, paştî bidê Hemleya Azadîya Seba Rayber Apoyî, bingeyê Şerê Şarî yê Şorişgêrî de rêxistinbîyayîş û têkoşînî pîlêr bikerê û rayîr mede xayîn û îşxalkeran.''