Têgêrayîşê Komelê Demokratîkî (TEV-DEM) derheqê kerdişanê dewleta tirke û cerganê ci yê vera merdimîye yê Efrînî de eşkerayîyêke daye.

Eşkerayîye wina ya: 

''Dewleta tirke ya îşxalkere û cerganê ci adara 2018î de Efrîn îşxal kerd û a roje ra nata nê Efrîn de sûcê vera merdimîye kenê. Cergê ke dewleta tirke paştî dana ci şarê Efrînî pê zorî koç kenê û vera sivîlan kerdişanê bêexlaqan kenê. Artêşa tirje roja verêne ya îşxalî ra nata vera sivîlan qirkerdişo etnîk kena, cergî cinîyan, domanan û camêrdan remnenê, sivîlan qetil kenê. Bi nê hawayî demografîya herême vurnenê.

Cergî cinîyan remnenî û bi hawayêkê zûtî înan merkezê cergan de kom kenê ke no vera pêro cinîyanê dinya heqaret o. Seba ke cinîyan ê kurdan rayberîya şorişê merdimîye kerde cergî wazenê ke îradeyê nê cinîyan çin bikerê. Nê sûcî pêro verê çimanê merdimîye de yenê kerdene. 

Ma sey TEV-DEM vanê ke berpirsê nê kerdişan bi xo Neteweyê Yewbîyayeyî yê ke rolê xo yo meşrû herême de vîn kerd. Ma na bêvengîya rêxistinan ê mîyanneteweyîyan şermezar kenê û venga rayaumûmîye û dewletan danê ke tewirê xo yê şermezarkerdişî bimojnê û seba awankerdişê komîteya cigêrayîşî yê herêma Efrînî têbigêrê.''