Şerwana YPJyî Amara Herdem bi wesîleya serrgêra 7. ya xelisnayîşê Kobanê ANFyî rê qisey kerd.

Herdeme îfade kerd ke dima ke şerê Kobanê dest pêkerd ê tewrê YPJyî bîyê û vat: ''Şarê Kobanê çi anto mi dî. Serê Kobanê mij û dûman bi. La wexto ke Kobanê xelisîyaye kêfweşîya ci cîya bîye.  Kobanê bi ruhê fedayî hetê embazan ra ameye xelisnayene. Pêro şerwanan tim şerwanê bînî pawitêne. Xoverdayîşê Kobanê de xeylêk embazî tewrê şehîda nîyî û xeylêk embazî zî birîndar bîyî. Kobanê qetî vîran ra nêşora. ''

Herdeme da zanayene ke têna Kobanê nê şaristananê bînan ê îşxalkerdeyan zî dejê pîlî antî. Wexto ke merdim ewnîyeno Efrînî ra hêrs beno. Efrînijî pabeyê roja azadîye yê. Senî şarê Kobanê anto şarê Efrînî zî hende anto. Coka ez sozê qesasê Efrînî dana.''

Amara Herdem ard ziwan ke seba ke çîyo ke ameyo Kobanê sereyî reyna nêqewimîyo a tewra YPJyî bîya û vat: ''Erdê ma binê îşxalî de yo û hetê dewleta tirke ra yeno wêrankerdene. Coka ganî kêna û lajê ma tewrê şorişî bibê û îşxalkeran ra hesab bipersê. Ma xopawitiş û pawitiş Rayberîya xo ra musayê. Mîyanê welatî de pêro neteweyî pîya ciwîyenê. Seba embazanê xo yê şehîdan ma sozê qesasî da.''