Goreyê Dezgehê Çimdarîya Heqanê Merdiman ê Sûrîye teyarayanê Rûsya şewa sêşemeyî û serê sibayê oanşemeyî Hama, Îdlib û Lazkîye tay noqtayî dayî bombayan ver.

Goreyê dezgehî 6ê adare ra heta wextê destpêkerdişê adirbirnayîşî yê herême ra nata reya yewine Rûsya hêrişê hewayî kena. Herêma bombardumanî binê serwerîya cerganê Heyet Tahrîr El Şam (HTŞ),  Huras El Dîn û Partîya Îslamî ya Turkîstanî de ya. 

Adirbirnayîşê mabênê Tirkîya û Rûsya ra dima operasyonê rejîmî yê vera Îdlîbî vindertbî. Goreyê pêkerdişê tirk û rûsan rayîrê M4î yê mabênê Heleb û Lazkîye de dewrîyeyê hemparî ameyî kerdene.

Goreyê Dezgehê Çimdarîye hêrişê hewayî yê Rûsya armanc kerd ke cergan rayîrê M4 û tay dewanê herêma Sahl El Habî ra dûr bivisno. Nê dewan de hêzê rejîmî  û hêzê Rûsya estê.