Dewleta tirke vizêr saetanê şanî de hêrişê Merkezê Tekîlîyanê bi Şarî yê Meclîsê Leşkerî yê Til Temirî kerd. Netîceya hêrişî de 4 şerwanî şehîd bîyî.

Meclîsê Leşkerî yê Til Temirî derheqê hêrişî de eşkerayîye daye û nê vatî: ''Dewleta tirke û çeteyanê  cino hewte bêmabên hêrişê hêzanê ma yê ke rewşa adirbirnayîş de yê kerd.  Vera Til Temir û dewanê ci tim topî ameyî eştene. Dewleta tirke bitaybetî hêrişê deweka Zirganî û dewanê Dirdara, Qibur, El-Qeracine, Miselta, Şêxeli yê Til Temirî kena. 

Hêrişê dewleta tirke yê 17ê tebexe ke vera dewa Tewila ame kerdene de cinîya bi nameyê Nede Dexam Mesîx û domanê ci şehîd bîyî û zafê înan domanî 16 kesî birîndar bîyî.

Ewro saete 18:00 de pê SÎHAyan vera dezgehêkê ma yo ke pabesteyê meclîsê ma yo hêrişê hewayî ame kerdene. Netîceya hêrişî de 4 embazê ma şehîd bîyî û birîndarê ma estê. Ma do nasnameyê embazanê xo yê şehîdan dima ra eşkera bikerê. Reyna rîyê hêrişî ra xeylêk cayê sîvîlan zî zirar dî.

Ma do sey Meclîsê Leşkerî yê Til Temirî vera heme hêrişan çarçewa pawitişê meşrûyî de cewab bidê.''