Îdareyê Xoserî yê Rojawanî bi wesîleya serrgêra îşxalê vera Girê Sipî û Serêkanîye eşkerayîya nuştekîye daye. Eşkerayîye de bale ameye ser antene dewleta tirke ke pê hêrişê îşxalî wazena Sûrîye parçe bikero.

Eşkerayîye de nê ameyî vatene: ''îşxalê vera Serêkanîyê û Girê Sipî di serrî xo dima verdayî. Nê wird serran de hadîse û caardişê teberê ehleq û wîjdanî qewimîyayî. Çete û grûbanê radîkalan ê ke dewleta tirke ra paştî genê bi koordîneyê Tirkîya hêrişê Serêkanîyê û Girê Sipî kerd  û îstîkrar û asayîşê herême qedîna. Verî zî bi eynî waştişî Efrin amebi îşxalkerdene.  

Hetê bînî ra  dewleta tirke  kena ke pêkerdişêke Sûrîye de mabênê hetan de yenê kerdene verê înan bîgiro û îşxalê xo yê Sûrîye bikero mende. Xora ewro çîyo ke kena ramojnano waştişê ci paçekerdişê Sûrîye yo. Tay hetî vanê qey a têna herêmêke îşxal kena la raştîye de wina nîyo. Nê hêrişê dişmenîye yê vera pêroyê Sûrîye yo.

Dewleta tirke bi zûran rîyê xo raştî nimenan û vana ke a paştî danê muxaleferê Sûrîye la no raşt nîyo.Ganî heme  hêzê newetî û komelê mîyanneteweyî planê dewleta tirke yê vera Sûrîye raşt fehm bikerê. Tirkîya çeteyê DAÎŞî binê nameyê Artêşa Mîlî ya  Sûrîye de kom kerdî. Heta ke verê binpaykerdiş sûcanê dewleta tirke nêro girewtene  îstîkrar nêbeno. Ganî komelê mîyanneteweyî, Yewîya Ewropa, Neteweyê Yewbîyayeyî (NY), Koalîsyonê Mîyanneteweyî, Rûsya û hukmatê Şamî vera sîyasetê dewleta tirke yê vera Sûrîye hîsgêr bê.

Ma do heta peyser girewtişê Serêkanîyê, Girê Sipî û Efrînî têkoşînî rê dewam bikerê. Bi na wesîle ma şehîdanê xo yê qehremanan yad kenê û soz danê ke ma do rayîrê înan de şorişê demokratîkî tacîdar bikerê.''