TJK-E kombîyayîşê Komîteya Wezîran a Konseya Ewropa yê 16-19ê êlule ra verê cû endamanê KOnseya Ewropa (KE) rê mektubêke şawite. Nê kombîyayîşî de do bêrê kontrolkerdene ke hele birê Mehkemeya Heqanê Merdiman a Ewropa (MHME) bêrê caardene yan ney. Kombîyayîş de birêka derheqê Abdullah Ocalanî de zî do bêra nîqaşkerdene.

TJK-E venga dewlet û temsîlkaranê KE ra waşt ke tedaya Tirkîya bikerê ke wa mesuldarîya xo bîyarê ca.

TJK-E mektuba xo de waştişê xo wina rêz kerdî:

''-Ganî derheqê hûmara kesanê ke Tirkîya de cezaya hepsî ya muebede girewta wa hukmatê Tirkîya ra îstatîstîkî bêrê waştene.

-Ganî venga Tirkîya bêra dayene ke cîyakerîya serê veradîyayîşê bi şertî wedarna.

-Eke seba caardişê bira (2), KAYTAN, GURBAN Û BOLTAN ûsn Tirkîya (Application No. 24069/03, 27422/05, 4947/04, 33056/16) gamêka raşte nêerza, ganî Sekreterîya Komîteya Wezîran seba cigêrayîşê ney vernîyazêkî amade bikera.

-Ganî ferman bêro dayene ke Sekreterîya Komîteya Wezîran yan zî Sekreterîya Pêroyî ya Komîteya Wezîran selahîyetdaran de dîyalogê sîyasîyî bikerê û nînan rê mektube binusê.

Endamê Meclîsê Parlamenteran ê KE û Komîteya Wezîran wayîrê ê selahîyetî yê ke prosesanê îcra kontrol bikerê û teqîb bikerê. Ganî derheqê ney de nê waştişê ma bibê rojdemê Komîteya Wezîran. 

Seba ke meseleya kurdan bi demokrasî û haştîye bêra çareserkerdene, rolê Birêz Ocalanî pîl o. La tecrîdê girankerdeyî ra o nêeşkeno rolê xo bîyaro ca. Hetê bînî ra derheqê binpaykerdişan de ma qerqilîyenê.''