Hemsereka DEM Partî Tulaye Hatîmogullari gorê Narîne Guran zîyaret kerd. Vervatoxa Meclîsê Cinîyan Halîde Turkoglu, Hemşaredarê Amedî, wekîlî, hemşaredarî, îdarekarê DBP û TJA zî tewrê zîyaretî bîyî.

Hemsereka DEM Partî Tulaye Hatîmogullari serê gorê Narîne de qisey kerd û vist vîrî ke cînayetê Narîne Guran nêameyo roşnîkerdene. Tulaye vat: ''Nê welatî de bi hezaran Narînî est ê ke kiştoxê nînan yenê pawitene. Seba ke sîstemo ke do domanan bipawo nêameyo awankerdene Narîne ameye qetilkerdene. 

Vanê ke ma nêvajê ke no cînayet polîtîk o. No xelet o. Çira yeno nimitene ke Narîne çira û hetê kamî ra kişîyaya? Kiştox sîstemê serdestîya camêrdan bi xo yo, îqtîdar o û îqtîdarê qijî yê herêmî yê.

Heta ke domanê nê welatî bi azadî kayan kay bikerê têkoşînê ma do dewam bikerê. Ma soz danê Narîne ke ma do heta peyên şima bipawê. Wa komelê ma na babete de hîsger bibo. Ez ancî Narîna ma bi rêzî yad kena.''