Norwêçî bire daye ke newe ra Tirkîya de îxracatê çekan bikero. Bire Oslo de hetê kurdîstanijan û dostanê înan ra ameye protestokerdene. Çalakîya ke serkîya Federasyonê Komeleyanê Kurdan ê Norwêçî de ameya kerdene, Solidariet med Kurdistanî zî paştî daye ci.

Hemserekê Federasyonî Andam Asoyî çalakîye de pare kerd ke 2019 de îşxalê Tirkîya yê vera Rojawanî ra Norwêçî îxracatê çekan ê bi Tirkîya vindarnabi. Asoyî vat: ''Ma dîktatoran rê çekrotişî fam nêkenê.''

Aktîvîsta enternasyonalîste Lida Weerts çalakîye de qisey kerd û ard ziwan ke Tirkîya zerar dana binawanîya sivîle û huqûqê mîyanneteweyîyî binpay kena. Lida venga Norwêçî da ke wa bira xo betal bikera.

Aktîvîst Rubar Yosifî zî vat ke ganî vera hêrişanê Tirkîya çew bêveng nêmano.