Çalakîkeranê  Rayraşîyayîşê Dergî vizêr roja hîrêyîne de Merkezê Komelê Demokratîkî yê Kurdan ê Dortmundî de bi merasîmêkî şehîdê têkoşînê azadîye yad kerdî.

Endama TÊKO-JIN Şîlane Pelşîn tîya de qisey kerd û ard ziwan ke şehîdan rayîro raşt akerd û Rayraşîyayîşo Derg mîrasê şehîdanê azadîye yo.

Dima dadîya şehîdî Aytene Sunger pare kerd ke ê soz danê şehîdan de xeyalanê înan bîyarê ca.

Babîyê şehîdî Xoşnav Atayî îfade kerd ke seba ke qesasê şehîdan bigêrê ê do têkoşînî aver berê.

Hozan Comerdo ke babîyê di şehîdan o, dîyar kerd ke rayraşîyayîşê şehîdan rayraşîyayîşê azadîye û raştîye yo.

Qiseykerdişan ra dima derheqê ercnayîşanê Rayberê Şarê Kurdî Abdullah Ocalanî de sînevîzyonêk ame mojnayene.

Yadkerdiş bi deyîra 'Ez şehîd im' a Hozan Comêrdî qedîya.