Federasyonê Elewîyan ê Demokratîkî (FEDA), Federasyonê Dêrsimî yê Demokratîkî yê Ewropa (ADEF) û Kongreya Awankerdişî ya Dêrsimî (DÎK) Festîvala Kulturî ya Dêrsimî ya 15ine mabênê 30-31ê gulane de Rebstockparkê Frankfurtî de do bikerê.

Festîvala bi şîarê ‘Ma ne xorasanij ê, ne zî tuncelîyîj ê! Ma dêrsimij ê’ seba wayîrvejîyayîşê tarîx, kultur û nasnameyê Dêrsimî yena kerdene.

Dezgehan bi eşkerayîyêke da zanayene ke çarçewa polîtîkayanê şerê taybetî de fuhuş, narkotîk ûsn yenê musnayene ciwananê Dêrsimî, xoza û çimeyê Dêrsimî zî yenê talankerdene.

Dezgehan vat: ‘’Ma do festîvale de wayîrê erjanê Dêrsimî vejîyê. Xeylê hunermend, nuştox û roşnvîrî zî do tewrê festîvale bibê. Ma venga pêro dêrsimijan û dostanê xo danê ke sey Munzurî biherikê festîvale.’’