Rojawan de YPJ, QSD û Hêzanê Asayîşê Zereyî vera cerganê DAÎŞî û hemkaranê înan Kampa Holî û dormeyê ci de 'Odaya Operasyonê Asayîşê Mendeyî' awan kerde û dest bi operasyonî kerd.

Vervatoxa YPJyî Rûkene Cemal û Endamê Îdareyê Hêzanê Asayîşê Zereyî Qehreman Muradî Kampa Holî de derheqê babete de eşkerayîyêke daye. Endamê Meclîsê Fermandarîya QSDyî Ibcir Dawûd zî eşkerayîye de amade bîyî.

Ame dîyarkerdene ke têgêrayîş û hêrişê DAÎŞî zêdîyayê û vera roniştoxanê Holî û Hêzanê Asayîşê Zereyî hêrişî yenê kerdene. Eşkerayîye de wina ame vatene: ''Sey dewamê têkoşînê ma û bi paştdayîşê hêzanê Koalîsyonê Mîyanneteweyîyî ewro ma Hemleya 'Asayîşê Mendeyî' îlan kenê. Operasyonê ma armanc keno ke Kampa Holî û dormeyê ci kontrol bikero, dewan DAÎŞî ra pakî bikero û asayîşê herême bîyaro ca. 

No operasyon bingeyê agahî û îtîrafanê endamanê DAÎŞî de dîya destpêkerdene. Nê agahîyî pare kenê ke DAÎŞ ancî herêmanê ma de aktîf bîyo û planê hêrişan keno. Tarîxê 26ê êlule de dewrîyeyêka Hêzanê Asayîşê Zereyî rayîrê Hol-Şedadî de raştê hêrişê xidarî amebi û 3 endamê ma şehîd bibî. Nê hêrişî zî îsbat kerd ke qetî ma nê operasyonî bikerê û hureyanê cergan ra herême xo bixelisnê.''