15ê Gulane Roşanê Ziwanê Kurdkî yo. Wendekaranê dibistananê Kantonê Firatî bi wesîleya na roje ANFyî rê qisey kerd.

Wendekara bi nameyê Pêla Xêrzada ard ziwan ke a şina sinifa çarine û vat: ''Seba ke ez bi ziwanê dayîke wanena kêfweş a. Seba averşîyayîşê ziwanê ma, ma hê xîret kenê. Cuye bi ziwanê kurdkî weş o.''

Wendekara bi nameyê Hêvîdare Hec Xelîla ke sinifa şeşine de ya vat: ''Zulmê vera ziwanê ma wextê Şorişê Rojawanî de qedîya. Hinî ma bi ziwanê xo dibistanan de wanenê. Ma na roje pêro kurdan rê fîraz kenê.''

Wendekara bi nameyê Lavîne Îsmayîl vat: ''15ê gulane Roşanê Ziwanê Kurdkî yo. Ma bi ziwanê kurdî qisey kenê û her ca de bi ziwanê xo kay kenê. Ma wazenê ke ziwanê xo aver berê û bi nê hawayî welatê xo zî bipawê."