Mihemed Elî Smaîlo ke Rayberê Şarê Kurdî Abdullah Ocalan Rojawan de zîyaret kerdbî, derheqê tecrîdê giranî yê Îmraliyî de ANFyî rê qisey kerd.

Mihemed Elî Smaîlî wina qala pêvînayîşê xo yê bi Ocalanî kerde: ''15ê Tebaxe de ma verê xo da Akademîya Mahsum Korkmazî ya Lubnanî. Tîya de xeylêk kesî hetê Rayber Apoyî de kom bibî. Wexto ke mi Rayber Apo dî kelecanî ra bedenê mi lerza. Çend saetan ma qisey kerd.''

Mihemd Elî Simaîlî bale ante tecrîdê vera Rayberê Şarê Kurdî Abdullah Ocalanî ser û vat: ''Seba ke zanayêne Rayber Apo seba pêro şaranê bindestan têgêrayene hêzanê komlogeran o esîr kerd. CPT qaşo rêxistinêka heqanê merdiman o la erkê xo nêano ca. CPT zî zaneno ke Rayberê ma seba raştîye û têdûştîye têkoşîn keno û coka komployî kenê giranêr. Rayber Apo eşkeno alozîya Rojhelatê Mîyanênî çareser bikero.''

Mihemedî peynîya qiseykerdişê xo de pare kerd ke hînî wext wextê azadîye yo û venga her kesî da ke seba azadîya Rayberê Şarê Kurdî Abdullah Ocalanî vejîyo waran.