Peymana mabênê Tirkîya û Rûsya Soçî de ameye eşkerakerdene. Goreyê eşkerayîya Wezaretê Karanê Teberî ya Rûsya peymana ke 10 xalan ra yena meydan wina ya:

"Serekkomarê Tirkîya Recep Tayyîp Ergogan û Serekê Dewleta Federasyonê Rûsya Valademîr Pûtîn serê nê xalan pê kerd.

1-Her di hetan zî pare kerd ke pabesteyê yewparetîya erdê Sûrîye bibê û hûrmet bidê qesawetê
asayîşî yê Tirkîya.

2-Her di hetî zî Sûrîye de 'têkoşînê verba terorîzmî' rê dewam bikê.

3-Hêzê YPG û QSD'yî yê ke 32 kîlometreyan  vercerê sînorê Tirkîya û Sûrîye de yê, do xo tepîya biancê û çekanê xo rê fek vera bidê.

4- Her di hetî qîmet danê Peymana Edene û aye tesdîq kenê.

5-Dimayê 23'ê Teşrîna Verêna 2019  yewîyê artêşa Sûrîye û polîs û leşkerê Rûsî do debikewê herêmanê başûrê sînorê Tirkîya û ganî Kurdî 150 saetan de nê herêman ra xo tepîya biancê.

6-Erdê Sûrîye de heta 10 kîlometreyan Sûrîye û Tirkîya do dewrîyeyanê hemparan bikê.

7-Hêzê YPG'yî û QSD'yî Minbîc û Til Rifatî de do xo tepîya biancê.

8-Her di hetî zî soz danê ke multecîyî do bi zerrîwazî û asayîşên abigêrê.

9-Seba kontrolkerdişê caardişê na peymane, mekanîzmayêko hempar ê kontrolî  bêro sazkerdene.

10- Her di hetî zî do paşt bidê çareserîya sîyasî ya seba krîzê Sûrîye.