Endamê Heyetê Rayberdişî yê TEV-DEMî Aldar Xelîlî serebûtê sîyasî, leşkerî, dîplomatîk û neteweyî yê serra 2019î yê Rojawanî ANF reyde ercna û vat: ''Ma plan kenê ke projeyê ma yê Neteweyê Demokratîkî serra 2020î de hetê her kesî ra bêro şinasnayene.

Xelîlî vat: ''Şarê Rojawanî têkoşînê demokratîkî keno. Bi çalakîyan rayraşîyayîşan, konferansan naye mojneno. Xo rêxistin keno, meclîsêk awan keno. Yanî îradeyê ard verê çiman. Na çarçewe de xebatê ma zî do dewam bikê. Ma xo seba projeyê xo yê neteweyê demokratîkî amade kenê.

Goreyê hêzanê îşxalkeran eke felsefeya Neteweyê Demokratîkî ser bikewo no seba înan yeno manaya mergî. Ê nêwazenê ke no aver şêro. Nêwazenê şarî pîya biciwiyê. Ê hêzê îşxalkerî têna wazenê ke menfaatê înan ser bikewê.

Seba azadkerdişê nê herêman têkoşînê ma do pîlêr bibo. Hêzê ma yê leşkerî, pawitişî û rêxistinkerde do xurtêr bibo. Seba serkewtişî û caardişê projeyê xo ma do hîna israr bikê. Projeyê ma yê neteweyê demokratîkî do seba Sûrîye bibo mîsalêk. Rejîm zî do neçare bimano ke naye qebul biko.

Serra 2020î de projeyê ma do hetê her kesî ra bêro şinasnayene. Ganî her kes rastîya nê projeyî bivîno. Verî senî ameyêne xebitnayene do hîna hêra bêro xebitnayene. Firsendî do bêrê viraştene ke şarî zî tewrê nê projeyî bibo. Labelê seba serkewtişî ganî pêro herêmê ke ameyî îşxalkerdene  bêrê xelisnayene.

Kurdan 2019î de karêkê neteweyî kerd. Xoverdayîşê Rojawanî îsbatê ney o. Her kes, her partî bîyî yew. Her kes wayîrê xoverdayîşî vejîya. Ma hêvî kenê ke serra 2020î de ma do seba çareserîya meseleyan yew ke wayîrê pêro vînayîş û tewiran bibê.''