Şervananê QSD'yî cewabêko xurt da hêrişanê Dewleta Tirkan a îşxalkare û çeteyanê înan ê ke hêrişê Serêkanîyê û Til Temirî kerd. Netîceyê pêkewtişan de tewr tay 15 îşxalkarî ameyî kiştene û yewê înan panzer 8 wesayîtê leşkerî ameyî îmhakerdene.
Îşxalakaran hêrişê dewanê qezaya Zirganî ya Serêkanîyê û dewanê Til Temirî kerd. Şervananê QSD'yî çarçeweya pawitişo meşrû de cewab da hêrişanê îşxalkarîye.
Dewanê Til Werd û Eyn Hawa yê Zirganî de cewabo xurt ê şervanan de 3 wesayîtê doçkabarkerdeyî yê çeteyan ameyî îmhakerdene. Reyna buldozerêk ame îmhakerdene û zafê îşxalkarî ameyî kiştene.
Dewa Til Mihemedî ya Zirganî de zî QSD'yî cewabêko xurt da îşxalkaran. Şer de wesayîtêko doçka ser de bi, di pîkap û panzerêkê bi tîpê BMB'yî ameyî îmhakerdene û tewr tay 15 îşxalkarî ameyî kiştene û zafê zî birîndarî estî.
Dewa Erbaînî ya Til Temirî de zî îşxalkaran xîret kerd ke verê xo bidê herême û şervananê QSD'yî hêrişê înan çin kerd. Şer de zafê îşxalkarî ameyî kiştene.
