Xeta Til Temir-Serêkanîye de xoverdayîşo biheybet
Dewleta Tirkan a îşxalkere û çeteyê ci saetanê serê sibayî ra bêmabên hêrişê dewanê Serêkanîye û Til Temirî kenê. Îşxalkerî hemverê xoverdayîşê QSDyî de derbeyanê giranan wenê.
Xeta Til Temir-Serêkanîye de pêkewtişê giranî yenê ciwîyayene. Îşxalkerî hêrişê dewan û şarê sivîlî kenê. Pêroyê qezaya Zîrganî ya Serêkanîye yena bombardumankerdene. Dewê Til Hirmûs, Mahmûdîye, Edadîye, Babîl Ferec û Ûm Îbşê bi hawan û obusan ameyî bombardumankerdene.
Şervanê QSDyî bi xoverdayîşêkê biheybetî cewab danê hêrişanê îşxalkeran. Pêkewtişan de xeylî îşxalkerî ameyî kiştene û 2 wesayîtê înan ameyî îmhakerdene. Reyna Girê Spî de zî hêrişê îşxalkeran dewam kenê. QSDyî dewa Xirbit Begerî çeteyanê Tirkan ra pak kerde.
