Derheqê propagandaya dewleta Tirkî ya îşxalkare  ke vatêne, "Merkezê şaristanî yê Serêkanîye ame destkewtene" rojnamegerê ma Ersîn Çaksû fermandaranê xoverdayîşî reyde qisey kerd.

Şervana YPJ'yî Nûdeme ya cepheyê Til Xelefî ra wina vat: "Panc rojan ra nata ma tîya de yê. Hêrişê ke ma rê yenê kerdene, qet ma nêşiknayî. Çunke ma wayîrê îradeyo qayîm ê. Serêkanîyê destê ma de ya, xoverdayîşê embazanê ma dewam keno. Çîyêk nêeşkeno moralê ma xerap bike. Ma bi fikr û felsefeya Rayberîya xo, xo xurt kenê. Îradeyê ma xurt o, neya re no teknîk pê ma nêeşkeno. Moralê ma, moralê embazanê ma baş o û şer bi moralî dewam keno."

Fermandaran ra Sîdar Qamişloyî vat: "Vizêr hêrişêko giran estbi. Saete 10.00 de dest pêkerd û ma kewtê mabênê çembere. Teyarayanê şerî zî serê ma de bombayî varnayêne. 7-8 embazê ma birîndar bîyî. Ma têna 4 embazî sax mendî. Sibayî ra heta 02.00 ma mabênê çembere de mendî. Seba ke ma embazanê xo yê birîndaran bixelisnê û asayîşê înan bîyarê ca, ma xo çembere ra vet. Dima zî ma reyna operasyon da destpêkerdene û cayê ke ameyî îşxalkerdene kontrol kerdî.

Serêkanîyê binê kontrolê ma de ya. Moralê ma zaf baş o. Çunke serkewtiş ê ma yo. Ma serkewtiş da verê xo, ma  binkewtiş qebûl nêkenê. Şervanê ma yê QSD'yî bi çoşîyêka pîle tewrê operasyonê Serêkanîyê benê. Ganî ma Kurdî wurzê payan ser û hêrişanê dewleta Trikî ya faşîste û hêrişanê Erdoganî vindernê. Kesêko ke xo rê vano ez Kurd a, ganî wurze payan ser. No şer seba Kurdan şerê estbîyayîş û çînbîyayîşî yo."