YPGyî bi eşkerayîyêke da zanayene ke sembolanê Xoverdayîşê Kobanê ra Apê Nemir (Xelîl Osman Hemê) netîceya krîzê qelbî de şehîd bîyo.

Eşkerayîye wina ya:

''Êlula 2014î de cerganê DAÎŞî hêrişê Kobanê kerdbi û şerwananê YPG û YPJyî zî vera ney xoverdayîşêko bêhempa kerdbi. Xoverdayîşê Kobanê seba pêro dinya bibi hêvîyêke. Pêro şarê Kobanê de cagirewt. Apê Nemirî zî nê xoverdayîşî de cagirewt û bi sembolêkê xoverdayîşê Kobanê. Ey domananê xo reyde rixmê kokimîya xo zî heta peynî mewzîyan de şer kerd.

Apê Nemir (Xelîl Osman Hemê) 1950 de dewa Dihapî ya Kobanê de dadîya xo ra bi. Ey tim kurdayetîya xo mojnaye ra û mîyanê sîyasetî de cagirewt. Wexto ke o ciwan bi hetê rejîmê Sûrîye ra hîrê reyî tepişîya. Dima Apê Nemirî Rayber Apo û PKK şinasnayî. Naye ra pey zî bi aktîfî mîyanê têkoşînî de cagêno. Ey 6 domanê xo zî bi hîsanê welatperwerîye weye kerdî.

Apê Nemirî mîyanê Şorişê Rojawanî de zî bi aktîfî cagirewt.Apê Nemirî Kobanê de vera DAÎŞî şer kerd û ey qetî welatperwerîya xo ra tawîz nêda. O wextê xoverdayîşî de birîndar bi la tedawî ra dima cade agêra mewzîyan. Ey heta serkewtişê Kobanê domananê xo reyde têkoşîn kerd û bi sembolanê xoverdayîşî ra yew. Lajê ey Osman hezîrana 2015î de Kobanê de şehîd bi, Apê Nemir zî gazî bi la têkoşînê xo rê dewam kerd.

Apê Nemirî tim seba azadîya şarê kurdî xo ver da û nameyê xo tarîxê azadîye ser de nuşt. Ma sere de keyeyê ey ê welatperwerî rê, pêro şarê ma yê welatperwer û xoverdayoxî rê serweşîye wazenê. Ma soz danê ke xeta xoverdayîşî ya Apê Nemirî heta peynî bipawê.''