Buroyê Îrtîbatî yê Çapemenîya YPGyî bi wesîleya serrgêra 7. ya Serkewtişê Kobanê eşkerayîya nuştekîye daye û nê pare kerdî:

''Senî ke yeno zanayene terorê DAÎŞî serra 2014 de serra tîtîkî û semedê şaran û dewletanê herême bi sebebê tersê pîlî.  Xeylêk herêman de qirkerdişê teberê merdimîye  û sûcî ameyî kerdene. Terorê DAÎŞî pê nê teror û tersî xeylêk bajar, qeza û herêmî fînayî dest. Rewşe ameyebî yew hale ke wexto ke çeteyan hêrişê bajarekî kerdêne artêşe remayêne û bajar teslîm kerdêne. Wexto wînayên de 2014 de çeteyanê DAÎŞî hêrişê Kobanê kerd. Nê hêrişî bîyê destpêkerdişê peynîya înan.

Xoverdayîşê Kobanê semedê heme şaranê herême bi hêvî. Sere de Vakûrê Kurdîstanî çar leteyanê Kurdîstanî, herême û dinya ra şaran verê xo da Kobanê û nê xoverdayîş de cayê xo girewt. Serkêşîya hêzanê ma de xoverdayîşo biheybet ame dayene. Badê serkewtişê Kobanê xeylêk hemleyê tarîxî ameyî kerdene. Cayê ke hetê çeteyanê DAÎŞî ra ameyî îşxalkerdene yew bi yew ameyî azadkerdene. Tewr peynî de bi hemleya Baxozî yê 2019î DAÎŞ sey cografî qedîya.

Serkêşîya hêzanê ma de, pê qehremanîya şarê Kurdîstan û herême û bi tewrbîyayîşê şorişgêranê enternasyonalîstan serkewtiş dinya rê ame dîyarîkerdene. La ewro şarê herême ke vera DAÎŞî şer kerd û herême çeteyan ra kerde pak hetê înanê ke rêça çeteyan de ra raştê qirkerdiş, îşxal û asîmîlasyonî yenê. Zîhnîyetê DAÎŞî û zîhnîyetê ke Efrîn, Serêkanîye û Girê Sipî îşxal kerdî eynî yê. Her çikas çeteyê dewleta tirke binê nameyê bînan de hêriş bikerê zî ê çeteyê ke DAÎŞî ra mendê ê yê. Nê çeteyî ewro binê sîwana dewleta tirke de şarê herême ra qesas genê. Heme dinya vera nê sûcan bêveng a.  Şarê herême ke qedînayîşê DAÎŞî dinya rê dîyarî kerd ewro raştê qirkerdişan yeno. Tarîx sey Serkewtişê Kobanê do bêvengîya vera îşxalanê dewleta tirkî zî xo vîr a nêkero.

Ma hêzê YPG-YPJyî sey şerwananê merdimîye bi wesîleya na roja bimbareke heme şehîdanê xo yad kenê. Ma reyna vanê ke; bi ruhê Kobanê vera heme îşxalan bi qerardarîya pîle ma do têkoşîn bikerê, ercê şar û welatê xo û merdimîye bipawê.''