Merkezê Îrtîbatî û Çapemenîye yê YPGyî bi eşkerayîyêke 20 şerwanê YPG û YPJyî yad kerdî ke 25ê nîsana 2017î de hêrişanê 26 teyarayan ê dewleta tirke ya îşxalkere de, Koyê Qereçoxî ya Dêrikî de şehîd bibî.

YPGyî pare kerd ke ê hêrişî de Merkezê Çapemenîye yê YPGyî û Radyoya Rojava ameybî hedefkerdene. Eşkerayîya xo de YPGyî vist vîrî ke bi taybetî têkoşînê vera DAÎŞî ra dima Şorişê Rojawanî bîyo global û bîyo warê têkoşînêkê enternasyonelî. 

Eşkerayîye wian dewam kena: ''Dewleta tirke seba ke vengê şorişî û raştîya hêriş û îşxalê xo bibirna Koyê Qereçoxî kerd hedef. Embazê ma Heqî, Rêvan û Şîlan ê ke nê hêrişî de şehîd bîyê, rojnamegerê ma yê tewr aktîf bîyî. Embaz Heqîyî bi rayîrê Radoyay Rojava bi rojane serebûtê şerî resnayêne raya umûmîye. Embaz Rêvanî wextêk Serekîya Dayîreyê Îstîxbaratî yê YPGyî de wezîfe kerdbi û agahîyê serê şerî teqîb kerdêne. Embaze Şîlane zî bi taybetî qehremanîyê şerwanan ê cinîyan dayêne zanayene.

Nê hêrişî bîyî hêrsêko pîl û bi hezaran ciwanî tewrê Şorişê Rojawanî bîyî. Embazê sey Fîraz Dagî tewrê merkezê ma bîyî û înan bi xurtî xebatî kerdî. 

Ewro zî têkoşînê ma bi keda şehîdan û bi qerardarîyêka pîle dewam kena. Ma serra 6. ya şehadetanê înan de pêro şehîdanê Qereçoxî bi rêzdarî û minetî yad kenê. Ma soz danê ke do rayîrê înan ra şorê û ameyoxêkê azadî awan bikerê. Ma do tim raştîyanê şerî, binê her şartî de biresnê şarê xo û pêro dinya.''