Fermandarîya Pêroyî ya Yewinanê Pawitişê Cinîyan (YPJ) bi eşkerayîyêke da zanayene ke şervana înan Sena Eli (NûpeleTêkoşer Dêrik) ya ke hêrişê dewleta tirke yê 18ê çeleyî de Eyn Îsa de birîndare bibî, şehîde bîye.

Eşkerayîya YPJyî wina ya:

''Têkoşînê ma yê azadîye her roje gird beno û ma do dewaya azadîye yê şarî bi serkewtişî tacîdar bikerê. Semedê destkewkteyanê şorişî û Şorişê Cinîyan ê Rojawanî ma do têkoşînê xo bêmabên bidomnê.

Embaza ma Sena Eli (Nûpele Têkoşer Dêrik) 1999 de Dêrik de ameye dinya, keyeyêkê welatperwerî de bîye pîl û 2018 de  tewrê sefanê YPJyî bîye. Hemraya  ma Nûpele sey cinîya ciwane demê kilmî de mîyanê şorişî de sey cinîyêka serkêşe vejîyaye vernî.

Dewleta tirke 18ê çeleyê 2023yî de herêma Eyn Îsayî da bombayan ver. Netîceya nê hêrişî de embaza Nûpele birîndar bîye û rixmê heme mudaxaleyan 7ê sibate de dinyaya xo bedilnaye.

Ma şexsê embaza xo ya ke şehîde bîye de sozê pawitişê welat û herra xo newe kenê. Sere de keye û embazê hermaya ma Nûpele wa sereyê pêro şarê ma weş bo. Ma sey YPJyî do qesasê embaza xo bîgêrê.

Nasnameyê şervana şehîde wîna yo:

Nameyê Qodî: Nûpele Têkoşêr Dêrik

Name û Peyname: : Sena Eli

Nameyê Dayîke: Taybete

Nameyê Babîyî: Ebdillah

Ca û Tarîxê Şehadetî: 07.02.2023- Hesekê”