Merkezê Îrtîbatî û Çapemenîye yê Yewîyanê Pawitişî yê Cinîyan (YPJ) da zanayene ke înan verê hêrişê dewleta tirke yê 11ê sibate yê vera Federasyonê Gazîyan çalakîye qesasî kerdî.

Eşkerayîye de ame vatene ke semedê qesasgirewtişê fermandaranê YPJyî Sorxwîne Rojhilat û Azadî Dêrikî çalakîyê qesasî kerdî û mewzî û baregehê dewleta tirke ya îşxalkere û çeteyanê ci hedef girewtî.

Eşkerayîye de nê ameyî vatene. ''12ê sibate de şervanê ma herêma Minbicî de cepheyê Seyyadî yê dewa Hemratî de vera çeteyan çalakîya sereştişî kerde. Çalakîye de şervananê ma di hetan ra mewzîyê dişmenî îmha kerdî. Çeteyan mewzîyê xo caverdayî remayî. Çalakîye de 3 çeteyî nuqta de 3 çeteyî zî gama ke remayêne ameyî kiştene. Şervanê ma şîyî 3 cenazayan ser. Netîceya çalakîye de 6 çeteyî ameyî kiştene û 3 çeteyî birîndar bîyî.

Eynî roje saetanê serê sibayî de cepheyê Tiltemir-Sewama Aliya yo ke mabanê dewanê Rêhanîyê û Susa de yo, baregehêkê artêşa tirke ya îşxalkere bi çekanê giranan ame hedefgirewtene. Çalakîye de 3 îşxalkerî ameyî cezakerdene û xeylêk îşxalkerî birîndar bîyî.

Çalakîyan de bi temamî 9 leşkerê tîyî yê îşxalkerî û çeteyî ci emayî cezakerdene û 8 îşxalkerî birîndar bîyî.

Ma sey YPJyî soz da cinîyan û şarê xo ke ma do qesasê şehîdanê xo bîgêrê û hêrişanê dişmenî bêcewab merverdê. Ma sey YPJyî hêzê seserre yê û ma do vera heme hêrşanê îşxalkeran bidê û hesab bipersê. Heta înşakerdişê ameyoxê azad û biasayîşî têkoşînê xo rê dewam bikerê.''