YPJyî da zanayene ke şerwana înan Rîme Elî El Casim netîceya qezayêkê trafîkî de şehîd bîya û vat: ''Sey embazanê Rîme ma do hertim bi xurtkerdiş û berzkerdişê yewîya cinîyan ê kurdan û ereban pawitişê erdê xo bikerê.''
Fermandarîya Pêroyî ya Yewinanê Pawitişê Cinîyan (YPJ) bi eşkerayîyêke da zanayene ke şerwana înan Rîme Elî El Casim netîceya qezayêkê trafîkî de şehîd bîya.
YPJyî vat: ''Embaze Rîma ke ewlada şarê ma yê erebî ya, seba ke caardişê cuyêka azade mîyanê refanê YPJyî de cagirewt. Embaze Rîme tim bi mesuldarî têgêraye, xo perwerde kerd û bîye milîtanêka serkêşe. Embaza ma Rîme Elî El Casim wexto ke serê erkê xo de bîye netîceya qezayê trafîkî de 20ê tebaxe de tewra karwanê bêmergan bîye. Sey embazanê Rîme ma do hertim bi xurtkerdiş û berzkerdişê yewîya cinîyan ê kurdan û ereban pawitişê erdê xo bikerê.
Nasnameyê embaze Rîme wina yo:
Nameyê Qodî: Rîm Elî El Casim
Name û Peyname: Rîm El Casim
Nameyê Dayîke: Emîra
Nameyê Babîyî: Elî
Tarîxê Şehadetî: 20.08.2023.''
