Yewîya Çapemenîya Azade (YRA) derheqê hêrişê dewleta tirke yê vera muxabîranê JIN TVyî de eşkerayîyêke daye.

YRA eşkerayîya xo de vist vîrî ke dewleta tirke hem bi xo hêrişê herême kena hem zî herême de sey DAÎŞ û El Nûsra komanê cergan rê paştî dana. YRA bale ante ser ke dewleta tirke tim endamanê çapemenîya azade kena hedef.

YRA vat: ''Dewleta tirke pêro qanûnanê heqanê merdiman herême de binpay kena. Koalîsyono Mîyanneteweyî, Neteweyê Yewbîyayeyî, Yewîya Rojnamegeranê Mîyanneteweyîyan û Muxabîrê Sînornenasekerdeyî zî tede pêro rêxistinê heqanê merdiman verê nê hêrişan de bêveng ê.

Ma venga pêro dezgehanê heqanê merdiman û rêxistinanê mîyanneteweyîyan danê ke erkanê xo bîyarê ca û verê hêrişanê dewleta tirke bigêrê.''