Endama Heyetê Rayberdişî ya TEV-DEMî Foza Yûsif kanala Medya Haberî de bîye meymana bernameyê Rojeva Xweserî û cewab da persanê rojnameger Dervîş Erenî.

Yûsife derheqê serrgêra diyîne ya îşxalê Efrînî de vat: "Dinya vera îşxalê Efrînî bêveng mende. Vera Efrînî tewirêko bêexlaqî esto. Mesela Efrînî mesela Sûrîye ya. Merdimê Efrînî pabesteyê erdê xo yê. Nê kesî di serrî yo Şehba de pabeyê agêrayîşê welatê xo yê. Tewirê Şehba xoverdayîş o."

Yûsife pare kerd ke binê sîwana Îdareyê Xoserî de warê kulturî, komelkî û sîyasî de yewîyêke ameye awankerdene. Kurdan, ereban û sûryanan pîya no qebul kerd. No seba Rojhelatê Mîyanênî modelêk o."

Yûsif qala xebatanê yewîya neteweyîye kerde û vat: "Şarê kurdî warê yewîya neteweyîye de yewîyêka taybete awan kerde. Têna PYD Efrînî ra nêvejîya, ENKSyî ra yew zî nêeşkeno tîya de bimano. Çimanê dişmenî de ferqê kurdan çin o. Nê cayan de kurd yew ê û benê hedef. Şarî bo fam kerd. La hêzanê sîyasî fam nêkerd. Hêzê sîyasî pey de manenê. Tewirê şarî hîna zelal o."

Foza Yûsif venga dewletanê konferansê Berlinî da û vat: "Eke nêwazenê Lîbya biba Sûrîyeya dîyîne ganî garantorîya Tirkîya ya Lîbya qebûl nêkerê. Tirkîya şina şer, gonî, qirkerdiş xo tede ana. Tirkîya organîzatora şerî ya gelo a senî do biba garantora haştîye. Seba aqîbetê Lîbya yê baş no yo ke ganî Tirkîya ci ra dûrî vindera."