Zanyarî derheqê virusê Covid-19î cigêrayîşan kenê la heta nika çîyo ke yeno zanayene no jan zaf lez vila beno. Nizdê nîm mîlyonan kesî bi nêweşîya Korona kewtî. Zafê înan de tay semptomê nêweşîye ameyî dîyêne.

 Doneyanê peyênan ê Çînî de nuqtayê acebî estê. Goreyê naye se ra 86 kesan de qet semptomê nêwîşîya vîrusê nêvejîyayî werte yan zî nêweşîye zaf şenik ravêrnaya. Goreyê pîsporan seba ke zaf kesê ke vîsusî kirişenê la qet semptomê nêweşîye ranêmojnenê vîrusê Cavid-19î wina lez vila beno. Goreyê selahîyetdaranê Çînî seba ke kesanê ke bi vîrusî kewtî la nêweşîya înan bewlî nêkerdene qedexeyî ra ver Wujanî ra agêra welatanê xo nêweşîye wina zaf vila bîye. Reyna Îtalya de zî se ra 60 kesan de semptomê nêweşîye qet nêameyî dîyêne.  Semptomê vîrusê nêweşîya Korona 14 rojan de vejîyenê werte nîmêyê nêweşan ra zafenê de  no wext 6 rojan ra tay o. Bado ke kesêk/e de jan vejîya 2 rojî  û nîmî ra dima ra eşkeno ravêro kesanê bînan. Nêweşî bi kuxayîş, fişkîyayîş û tewiran winayênen vîrusî vila kenê. Goreyê zanyaran eke testî vila bê û hîna zaf bêrê kerdene no vernîya vilabîyayîşê nêweşîye gêno.