Fransa de herêma Nouvelle-Aquîtaîne ya başûrrojawanî de, gama ke Angeac-Charente de xebatî ameyêne kerdêne, esteyêko pîl ê dînozoran ame dîyene.

Ame vatene ke esteyo fosîl o ke ameyo dîyene, yê ke heta nika ameyê dîyene ra hetê nisbetî ra zaf pîlêr o û dergîya ci 2 metreyî ya. Endamê Muzeya Neteweyî ya Tarîxê Xozayî paleontolog Ronan Allainî vat esteyo ke înan dîyo, gama ke danê înan verê nikayî yo tewr pîl no yo. Allainî vat esteyo ke înan dîyo yê tewirê dînozoran ê 'turîasaurîa' yê ke dergîya înan 30 metreyî û giranîya înan 40 tonî ya. Xebatê Angeac-Cgarente verê nikayî 10 serran dimayo ke esteyêko bîn o fosîl amebi dîyene hîna bîbî zêde. Dînozorê bi tewirê turîasaurîa goreyê înanê bînan hîna pîl ê. No tewir, milê înan kilm o, dimê înan zî kilm û qalind o. Sereyê înan formê kubîkî de yo û çeneyê înan zî hîra yo.